Hrangchalkawn-ah UPHC hawn a ni

Lunglei Hrangchalkawn-a Urban Primary Health Centre (UPHC) chu nimin khan Bamboo Development Board Vice Chairman leh bialtu MLA K. Pachhunga chuan a hawng.

UPHC thar hawnna ah hian bialtu MLA chuan COVID-19 hrileng buai karah UPHC Building hawn theiha awm chu lawmawm a tih thu sawiin, Lunglei-ah Civil Hospital tha tak awm mah se a panna te a hlat deuh avangin UPHC hi Hrangchalkawn leh a bulhnai khua te tan a tangkai takzet dawn a ni, a ti.

Nimin-a hawn tak UPHC Building hi cheng nuai 77 senga sak niin a dung 61.5 ft. leh a vang ft. 20 niin chhawng hnih a ni a, a chhungah hian Accounts Room, Pharmacy Room, Condemnation Room, Maternity Ward & Labour Room (attach toilet), Minor OT leh Dressing Room (attach toilet), Nursing Station, Toilet, Kitchen, Sterilization Room, General Store, Medical Officer Room, Laboratory, Khum pahnih ve ve awmna mipa Ward leh hmeichhe Ward leh Waiting Room te a awm a ni.

Comments

Popular posts from this blog

Volleyball S/F khel dawn