H&TE Minister in Principal te Meeting neihpui

Higher & Technical Education Minister Dr. R. Lalthangliana chuan nimin khan SAD Conference Hall-ah Mizoram Sawrkar hnuaia College Principal zawng zawngte ko khawmin meeting a neihpui.

He hunah hian Sawrkar Laipui Education Policy thar - New Education Policy (NEP) 2020 chungchanga hmalakna sawiho niin Mizoram Sawrkar chuan H&TE Commissioner kaihhruaina hnuaiah Task Force dinin Meeting an nei tawh a. Mizoram-ah NEP hman tan a nih theih nan inkaihhruaina pawimawh te chipchiar taka zirho leh sawiho a ni. Mizoram Sawrkar chuan RUSA 1 a khar fel tawh a. RUSA 2 ah awm mekin hei pawh a hmawr bawk fel a ni tep tawh tih meeting-ah tarlan a ni. RUSA hnuaia zirtirtute hlawh chungchangah sawrkar laipui vawi engemaw zat dawr a ni tawh a. A hun takah zirtirtute hlawh tur fund release a nih theih nan Sawrkar laipui phut angin Utilisation Certificate a hun takah thehluh a ni bawk.