Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Adviser to CM (Tech) in hnathawh hrang hrang en

Adviser to Chief Minister (Technical) Er. K. Lalsawmvela chuan kar kalta khan Mizoram khawthlang lam-a kawng siam mek leh Lei dawh thenkhat te a tlawh.

Adviser to Chief Minister (Technical) Er. K. Lalsawmvela hian NH-6 (NH-54 thin) Kawnpui-Khamrang, KM 15 Bitumiinous Concrete hmanga siamthat hna chu tlawhin, KM chanve zawh tawh a niin, alkatra chhumna khawl hmun hnai zawka sawn avangin hna chawlh lailawk a ni a. February kar 2-na atanga hna chhunzawm lehin April thla chhunga zo tura hmalak a ni a. Contractor Sadguru Company chu an hun neih chhung ngeia zo tura hriattirin, hei hna hi State PWD-in a zawhfel hunah NHIDCL kuta hlan a ni ang a, tichuan NH-6 pumpui chu an kutah a awm tawh dawn a ni.

Bairabi-Zamuang kawng thuam that mek pawh en nghalin, he kawng hi Silchar lam harsatna awm thulh atana kawng pawimawh a nih avangin a rang thei ang bera hna zawh dan tur ruahmanna sawiho a ni a, kawng bakah Teirei lui-a Lei dawh thar mek hna muang lutuk tihchak dan tur pawh sawipuiin, Pile foundation that leh that loh endik (test) tura contractor Sadguru ni lo, company dang rawihte chuan January 29 atangin test chi thum hna tanin, February 5, 2022-ah zo tura ngaih an ni a. Test zawhfel a nih hnua hmalak zui dan tur pawh a ruahman pui nghal a ni.

NH-44A : Sihhmui-Mamit-R. Langkaih sial lai mek pawh Tripura ramri Langkaih Lei dawhna hmun atanga enin YMA Sub-Hqrs. Mamit hruaitute nen inkawmna an nei a. Technical Adviser to Chief Minister chuan, Contractor Gayatri Company sum lama an tlak chhiat avangin an hnena pawisa pek apiang Bank lamin ba rulh nan an laksak zel avangin a taka thawktu Ratna company chuan an chan tur vbc. 50 lai an hloh avanga hna an thawh theih loh thu leh, siamfel a nih loh phei chuan chawlh hlen mai an tum thu te, chutihlai chuan sorkarin theihtawp a chhuah avanga Gayatri company pawhin an Bill apiang Ratna Company hnena direct-a pek tura a remtih tak thu leh Union Transport & Highway Minister pawmpuina nghah a nih avanga February thla tira hna chhunzawm tura ruahman a nih thu bakah, Dapchhuah vela hna hmabak Km 10 vel chu March thla chhunga zawh ngei tuma hmalak a nih thu YMA hotute a hrilh a. Lei pahnih tih loh chu fur hmaa zo vek tura Contractor intiam thu a hrilh bawk.

Sihhmui bula Tlawng Lei thar dawh mek pawh Adviser to Chief Minister (Technical) hian en nghalin Contractor programme ang chuan he Lei thar hi kum 2023 chawhma lamah chuan zawh hman tum a ni. Heng hmun hrang hrang a tlawhna ah hian PWD hotute chuan Contractor ten an lo dawngsawng a ni.

Comments

Popular News (Last 30 Days)