Champhai DC sawn a ni

Tunhnaia pawl thenkhat ten sawn tura an phut nia tarlan Champhai DC Maria CT. Zuali chu sawnchhuah a ni ta.

Tunhnaia ramri kan-a dan lova kuhvarah lakluh chungchang avanga boruak eng eng emaw a awm hnuah nimin khan Mizoram sawrkar chuan Mizoram Civil Service (MCS) Officer thenkhat te awmna a siksawi a, mipui ngaihven hlawh pakhat ah Champhai DC Maria CT. Zuali chu FCS&CA leh Planning & Prog. Implementation-ah Additional Secretary hna chelh tura sawn a ni a, a aiawh tur hian School Education Director nilai James Lalrin-chhana chu dah a ni.

Kolasib DC Dr. H. Lalthlangliana chu School Education Director-ah dah niin DM&R Director nilai John LT. Sanga chu Kolasib DC-ah dah a ni a, Sports Department-a Director Lalsang-liana chu Siaha DC tura dah ni bawkin Mamit DC Dr. Lalrozama pawh sawn a ni a, a aiawh tur hian IG Prison Lalnunhlua chu dah a ni bawk a. Sports Department-a Director turin Joseph H. Lalramsanga leh DM&R Director atan Benjamin Lalzama te dah an ni bawk.

Comments

Chhiar Hlawhte