Hri kai enkawllai sang sarih aiin tam leh tawh

Mizoram-ah COVID-19 hri kai hmuhchhuah an pung chho chak viau a, nimin tlai thleng khan hri kai enkawllai pawh mi sang sarih aiin an tam leh tawh a ni.

Niminpiah khan Mizoram-ah Sample 6984 enfiah niin heng atang hian hri kai 1054 hmuh belh leh an ni a, Sample enfiah atanga za zela 15.09 zetin hri an kai thar leh a, ZMC-a RT-PCR Laboratory-ah Aizawl District atanga Sample lak 221 enfiah niin heng atang hian hri kai 33 hmuhchhuah an ni a, Fluorescent Immunoassay Test hmanga Sample enfiah 26 atangin hri kai mi 7 hmuh an ni bawk.

District hrang hranga TrueNat Laboratory-ah Sample 199 enfiah ni bawkin heng atang hian hri kai mi 21 hmuh an ni a, an zinga 8 te chu Hnahthial District ami te niin Lunglei District-ah 5, Mamit District-ah 3, Champhai leh Khawzawl District-ah mi pahnih ve ve leh Kolasib District-ah mi pakhat te an ni.

Rapid Antigen Test hmangin niminpiah khan Sample 6538 enfiah ni bawkin heng atang hian hri kai mi 993 hmuh an ni a, an zinga 299 te chu Aizawl District-a hri kai hmuh te niin Khawzawl District-ah hri kai mi 178 hmuh an ni a, Serchhip District-ah hri kai mi 160 hmuh ni bawkin Saitual District-ah 85, Hnahthial District-ah 66, Champhai District-ah 57, Mamit District-ah 53, Lunglei District-ah 47, Kolasib District-ah 28, Lawngtlai District-ah 13 leh Siaha District-ah 7 te an ni.

Nimin khan Mizoram District hrang hrangah COVID-19 hri kai mi 383 te enkawl dam an ni ve leh bawk a, heti hian nimin tlai thleng khan Mizoram-a hri kai hmuhchhuah tawh chu 1,49,492 niin an zinga 1,41,914 te chu enkawl dam an ni tawh a, hri kai hmuhchhuah atanga za zela 94.93 te chu enkawl dam ni tawhin hri kai enkawllai 7013 zet an awm leh tawh a, hri kai zingah mi pakhat boral lehin Mizoram-a hri kai te zingah 564 te enkawl dam an ni tawh a ni.

Comments

Chhiar Hlawhte