Hmun khuahkhirha puan tam

Tunhnaiah Serchhip District chhungah COVID-19 hri kai hmuhchhuah an pun avangin hri leng avanga hmun khuahkhirh bik-a puan pawh a pung zel.

Nikum Deceber thla tawp lamah Serchhip District-a COVID-19 hri kai enkawllai awm mi za pawh an tlin tawhloh laiin kumthar atanga chawlhkar khat pawh a liam hmain hri kai enkawllai mi sang khat dawn an awm hman a, heng hri len nasatna hmun te hi Serchhip District Bawrhsap chuan Hmun khuahkhirh bikah puangin hri inkaidarh zel tur venna atan hmalak nghal zel a ni a, Zirtawpni zan dar 9:00 atang khan Hmuntha, Hualtu leh Rullam Village Council huamchhung te chu Restricted Area-ah hian puan leh a ni bawk a. Heti hian hriat theih chinah tun dinhmunah Hmuntha, Hualtu, Rullam, Lung-pho, Ngentiang, Chhiahtlang, Chhingchhip, Sialsir, Piler, East Lungdar leh Sailulak khua te chu Hmun khuahkhirh bikah puan mek a ni.