Pathianni-ah hri kai 223 hmuh belh an ni

/

Pathianni khan Mizoram-ah Sample 1977 enfiah niin heng atang hian COVID-19 hri kai mi 223 hmuhchhuah an ni a, hri kai hmuhchhuah hi tlem deuh mah se Sample enfiah atanga chhut chuan za zela 11.27 laiin hri hi an kai a ni.

Pathianni khan ZMC-a RT-PCR Laboratory-ah Sample enfiah awm lovin Fluorescent Immunoassay Test hmangin Aizawl District-ah Sample 5 enfiah a ni a, hri kai mi pahnih hmuh niin Aizawl khawpui chhung ami ve ve an ni.

TrueNAT Laboratory hmangin Lunglei, Kolasib leh Mamit District-ah Sample 98 enfiah niin heng atang hian hri kai mi 18 hmuhchhuah an ni a, an zinga mi 14 te chu Mamit District ami te niin midang pali te hi Kolasib District atanga Sample enfiah te an ni thung.

Rapid Antigen Test hmanga Sample enfiah 1874 atangin hri kai mi 203 hmuhchhuah an ni bawk a, an zinga 115 te chu Aizawl District-a hri kai hmuhchhuah te niin Serchhip District-ah 32, Kolasib District-ah 22, Lunglei District-ah 15, Mamit District-ah 13, Saitual District-ah 5 leh Lawngtlai District-ah mi pakhat te an ni.

Nimin khan tlai dar 5:00 thlengin Mizoram-ah hri kai mi 830 enkawl dam niin Khawzawl District-ah 287 leh Aizawl District-ah 251 te chu hri kai enkawl dam tamna te an ni a, heti hian nimin tlai thlenga Mizoram-a hri kai hmuhchhuah tawh chu 1,52,478 niin an zinga 1,44,316 te chu enkawl dam an ni tawh a, hri kai hmuhchhuah atanga za zela 94.65 te enkawl dam ni tawhin hri kai enkawllai 7590 an la awm a, hri kai zingah nimin khan mi pahnih boral ve lehin mi 572 an boral ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »