Mizoram-ah Hri kai hmuhchhuah an pung leh mek

/

Mizoram-ah COVID-19 hri kai hmuhchhuah pung zelin nimin tlai thleng khan hri kai enkawllai pawh 0000 zet an awm leh tawh.

Nikum kumtawp lamah Mizoram-a hri kai hmuhchhuah leh enkawllai nasa taka an tlakhniam hnuah kumin kumtir atangin Mizoram-ah hri kai hmuh an pung leh tan mek a, Inrinni-ah pawh khan Mizoram-ah Sample 5694 enfiah leh atangin hri kai 903 lai hmuhchhuah leh an ni a, Sample enfiah atanga za zela 15.86 te chuan hri an kai a, hri kai hmuhchhuah zinga 800 te hi Rapid Antigen Test hmanga hri kai hmuhchhuah niin ZMC-a RT-PCR Laboratory-ah 75, TrueNat Laboratory-ah 21 leh Fluorescent Immunoassay Test hmangin mi 7 te an ni.

Nimin khan Mizoram-ah hri kai mi 270 enkawl dam an ni ve leh a, nimin tlai dar 5:00 thleng khan Mizoram-a hri kai hmuh tawh chu 1,45,527 niin an zinga 1,40,872 te enkawl dam an ni a, hri kai hmuh atanga za zela 96.80 enkawl dam ni tawhin enkawllai 4094 an la awm a, hri kai mi 561 an boral tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »