Dy. Speaker in a bial tlawh

Tuikum bialtu MLA leh Assembly Deputy Speaker Er. Lalrinawma chuan a bial chhunga hri in a tihbuai Hualtu leh Hmuntha khua te chu nimin khan tlawhin khawtlang hruaitute nen an inkawm.

Nimin a heng khaw pahnih a tlawhna ah hian bialtu MLA chuan mipuite chu chi-ai lo tur leh an himna tura sawrkar ruahmanna te tha taka zawm tlat turin a chah a, bialtu a nih angin theihtawp a chhuahpui zel dawn tih a hrilh a ni. Hripuiin min chim rei tawh avangin mipuite kan tanrual a, kan inngaihsak tlan lehzual a tul tak meuh tih sawiin, VLTF ten mipuite himna tura theihtawp an chhuahnaah lawmthu a sawi bawk.

Bialtu MLA hi khawtlang hruaitute leh VLTF hruaitu ten an khaw dinhmun tlangpui an lo hrilh a, khawtlang in hri kai te enkawlna tur hmun an siam, 4C pawh bialtu MLA hian a tlawh nghal bawk a ni. Tun dinhmuna ah Hualtu-ah hri kai 84 awmin, Hmuntha-ah 36 an awm mek a ni.

Comments

Chhiar Hlawhte