Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Archangkawm zirhona nei

Mizoram State Medicinal Plant Board (SM-PB) bultumin nimin khan Thenzawl Bazar Veng-a Vantawng Group YMA Run-ah Thenzawl-a Medicinal Plant Grower Society Member te tan Mizo Ramhmul damdawi, Archangkawm sawngbawl dan zirhona, ‘Training on Post Harvest Management and Value Adddition of Oraxylum’ neih a ni.

He Training hi Thenzawl Medicinal Pant Grower Society Chairman, Integrated Ayush Hospital-a RMO ni bawk Dr. HT. Zo-thanmawia chuan kaihruaiin College of Horticulture, Thenzawl-a Assistant Professor Dr. Lalhmingsanga leh State Medicinal Plant Board, Project Director B. Lalbiakremmawia ten Ar-changkawm tharchhuah sawngbawl dan leh a chingtute tana tihtur leh hmalak dan tur hrang hrang te zirtirna an pe a ni.

Thenzawl Medicinal Plant Grower Society te hian kum 2019 atang khan Ramhmul damdawi Arachangkawm chin beihpui hi an thlak tan a, an Society-ah hian member 90 vel awm mekin, Thenzawl dai - Aizawl Tlang hmuna Society ram leh an member mimal ram leh huan-ah Archangkawm kung sing chuang an ching mek a, chung zinga engemaw zat chu kumin kumtawp lam hian tharchhuah theih tawh beisei a ni.

Mizoram Medicinal Plant Board chuan Archangkawm chingtute hnenah hian a chi te pe in, pawisafai-a an tanpui bakah, training te an pe thin a. Medicinal Plant Board Project Director Lalbiakremmawia chuan, Mizoram a Ramhmul damdawi chingtute zingah Thenzawl a Archangkawm chingtute chu an hlawhtlin ngei beiseina an neih san berna hmun zinga mi a ni tih sawiin, theihtawp chhuah turin a chah bawk.

Archangkawm hi ramhmul damdawi tangkai leh tha tak niin, a zung, a pil leh a hnah te hi pumthalo, lu-na, lung damdawi , vun natna leh natna dang damdawi atan te hman thin a ni a, Mizoram bakah State pawn-ah pawh thawnchhuah theih tura ruahmanna neih zel tum a ni.

Comments

Popular News (Last 30 Days)