Serchhip District-ah Hri kai mi 110 hmuh belh leh an ni

Nimin khan Serchhip District-ah COVID-1`9 hri kai mi 110 hmuh belh niin hri kai enkawl dam chhinchhiah belh erawh an awmlo thung.

Nimin a hri kai hmuhchhuah thar zingah hian Thenzawl-a hri kai hmuhchhuah an tam ber a, Thenzawl khua bikah hri kai mi 29 hmuh niin PTS-ah mi 4 hmuh an ni bawk a, Zote South-ah hri kai mi 17 hmuh an nih bakah East Lungdar-ah hri kai mi 15 hmuh an ni a, Serchhip-ah hri kai mi 13 hmuh ni bawkin Hualtu-ah hri kai mi 13 bawk hmuh an ni a, Lungpho-ah mi 10 leh Chhingchhip-ah hri kai mi 9 hmuh an ni bawk.

Nimin khan Serchhip District-ah hri kai enkawl dam chhinchhiah belh an awm lova, heti hian nimin tlai thlenga Serchhip District-a hri kai hmuhchhuah tawh chu 7982 niin an zinga 6403 te chu enkawl dam an ni tawh a, hri kai hmuhchhuah atanga za zela 80.21 te enkawl dam ni tawhin hri kai enkawllai 1556 an la awm a, hri kai zingah mi 23 an boral tawh a ni.