Serchhip-ah National Voters’ Day hman a ni

National Voters' Day, 2022 chu niminpiah, January 25, 2022 khan ramchhung hmundangte rualin Serchhip-ah pawh hman a ni a, District Election Officer Nazuk Kumar IAS chuan khuallian niin a hmanpui a ni.

Serchhip DC Conference Hall-a National Voters' Day puala hun hman ah hian Bawrhsap leh District Election Officer Nazuk Kumar chuan Vote thlaka ram hruaitute thlang thin ram kan ni chu kan vannei tih sawiin, he kan vanneihna hi chhawmnung zel tura tan kan lak a pawimawh hle a ni, a ti a. Election Commission of India chuan mipuiten kokim taka vote kan thlaka, mitin huapzo sawrkar din a nih ngei theih nan beihpui a thlak thin tih sawiin, hemi atan hian mipuite zirtirna nasa taka kalpuiin, Polling Station te pawh taksaa harsatna neite tana remchang turin a buatsaih zel a, hmeichhiate pual bik Polling Station te a siam hial thin tih a sawi a. “Chuvang chuan mipuiten vote thlak huna vote kan thlak ngei hi a pawimawh a ni tih hriat thar leh nan i hmang ang u,” tiin kalkawmte a chah a.

Bawrhsap chuan tunhnai lawka tlangzarh tak Electoral Roll thar a puitlin theih nana thawktute chungah lawmthu sawiin, voters thar zawng zawngte a lawmpui thu a sawi a, inthlanna a lo awm hunah vote pawh thlak ngei tura chahin ram inrelbawlna lama nitin thutharte pawh ngaihven ve deuh zel turin a chah a ni.

Serchhip SDO (Sadar) C. Laltleipuii kaihhruai he hunah hian Settlement Officer Lalzikpuii kaihhruaina hnuaia he huna kal te hian he ni puala thutiam an chhamrual a, Serchhip Election Officer Lalrinchhani Ralte kaihhruaina in Vote nei thar thlanchhuah mi 25 te hnenah leh BLO te hnenah Electoral Photo Idendity Card (EPIC) semchhuah a ni bawk.

Comments

Popular posts from this blog

Volleyball S/F khel dawn