Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

National Girl Child Day pualin Short Film tlangzarh

Social Welfare Department Minister Dr. K. Beichhua chuan nimin zing khan ‘National Girl Child Day’ pualin Short Film a tlangzarh.

Hemi puala hun hman ah Social Welfare Minister chuan kum 2008 atangin National Girl Chid Day hi January ni 24-ah kumtin hman thin a ni tih sawiin, kumin ah pawh Covid hripui karah sawm bik ten an hmang thei chu lawmawm a tih thu a sawi a ni. SWD Minister chuan National Girl Child Day hi hmeichhe naupang harsatna tawk te tanpui leh dawmkanna bakah hmeichhe naupang humhalh leh an dikna chanvo an neih theihna tura India ramin hma a lakna leh hriselna an neih nana chaw tha pek leh zirna an neih theih nana hmalakna te denchhena ni pual bik a ni, a ti a. Ministry of Women & Child Development in he ni hi a ngai pawimawh em em avangin keini State ah pawh hmeichhhe naupangten hriselna tha tak neia an lo puitling chho a, ram chhungah United Nations bakah NITI Aayog by pawhin a ngaih pawimawh em em 'gender equality' kan ramah kan neih chho theihnana he hun hi buatsaih a nih thu a sawi bawk.

SWD Minister chuan khawtlang leh ram changkang-ah hmeichhe dinhmun a hniam ngailo tih pawh sawiin, hmeichhe dinhmun a sanna ah piangah ramin hma a sawn chak thin tih hre reng in kan Society-ah pawh zir tur tam tak kan nei tih a sawi a. “Kan ramah hian hmeichhe dinhmun politics ah hniam mah se thil dang dangah mipa aiin hmeichhe activity a tam zawk a, chungah chuan mipa te in en let a tul hle a ni,” a ti bawk.

SWD Minister in Short film tlangzarh tak hi 'Importance of Education for Girl Child' tih niin Rinkson Squad Production siam a ni a, Department of Women & Child Development te bultum niin, YouTube channels bakah Zonet leh LPS-ah te mipui a tam thei ang berin an thlir theih tura chhuah a ni dawn a ni. Minister hian he ni pual hian a Quarter ah thing phunna hun a hmang bawk a ni.

Comments

Popular News (Last 30 Days)