COVID-19 hri kai 1280 zet hmuh belh leh an ni

/

Mizoram-ah COVID-19 hri kai hmuhchhuah an la pung zel a, niminpiah khan Sample 7515 enfiah atangin hri kai mi 1280 zet hmuh belh leh niin Sample enfiah atanga chhutin za zela 17.03 zetin hri an kai a ni.

Niminpiah khan ZMC-a RT-PCR Laboratory-ah Aizawl District atanga Sample lak 527 enfiah niin heng atang hian hri kai mi 137 hmuh an ni a, Fluorescent Immunoassay Test hmangin Aizawl District-ah Sample 40 leh Serchhip District-ah Sample 153 enfiah niin hri kai mi 35 zet hmuh an ni a, an zinga 22 te chu Serchhip District-a Thenzawl khua niin Aizawl-ah hri kai mi 13 hmuh an ni bawk.

Niminpiah khan District hrang hranga TrueNat Laboratory-ah Sample 321 enfiah niin heng atang hian hri kai mi 66 hmuh an ni bawk a, an zinga 28 te chu Mamit District ami te niin Champhai District-ah 13, Khawzawl District-ah 12, Hnahthial District-ah 7 leh Lunglei leh Siaha District-ah mi 3 ve ve te an ni.

Rapid Antigen Test hmangin niminpiah khan Sample 6514 enfiah niin hri kai mi 1042 hmuhchhuah an awm bawk a, an zinga 414 te chu Aizawl District-a hri kai hmuhchhuah niin Lunglei District-ah 148, Khawzawl District-ah 102, Serchhip District-ah 87, Saitual District-ah 89, Mamit District-ah 67, Hnahthial District-ah 49, Kolasib District-ah 40, Cham-phai District-ah 33 leh Siaha District-ah 13 te an ni.

Nimin khan Mizoram-ah hri kai mi 1169 te enkawl dam an ni ve leh bawk a, hetia hian nimin tlai thlenga Mizoram-a hri kai hmuhchhuah tawh chu 1,53,759 niin an zinga 1,45,485 te chu enkawl dam an ni tawh a, hri kai hmuhchhuah atanga za zela 94.62 te enkawl dam ni tawhin hri kai enkawllai 7701 an la awm mek a, hri kai zingah mi 573 an boral tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »