Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

Serchhip END ten zu man tam

/

Serchhip-a Excise and Narcotics Department chuan nimin zing dar 6:00 vel khan Thenzawl dai-ah rakzu litre za thum chuang an man.


 Thudawn danin Serchhip-a Excise and Narcotics Department Patrolling a chhuak te chuan nimin zing khan Thenzawl khaw luh hmaa lirthei pakhat hmanga Zu dahthukruk tum pakhat chu nangchingin an umzui a, Thenzawl thlen hma KM 2 vela hla, tunhmaa Oil zawngtute inkulhna hmunah heng an Zu phurh te hi an man ta a ni. Tun tuma an Zu man hi litre 330 zet niin polythene ah litre 10 zela dahhran a ni a, a kengtu nia hriat Isaac Lalruatsanga (24), Phunchawng Melruk nia insawi leh a phurhna motor (Bolero Mz-01-K/1915) pawh manin MLP Act hnuaiah thubuai siam sak a ni. Heng rakzu an man te hi tual-chhung hralhna rate a chhutin Rs. 49,500/- man vel nia chhut niin Thenzawl-a phurhluh tur nia hriat a ni bawk.

Comments

Post a Comment

Popular News (Last 30 Days)