Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Ni khat-a hri kai hmuh la tlahniam thei rih lo

Mizoram-ah COVID-19 hri kai ni khat-a hmuhchhuah zat ala tlahniam thei tak tak lova, niminpiah khan Mizoram-ah Sample 5362 enfiah niin heng atang hian hri kai 1199 hmuhchhuah an ni a, Sample enfiah atanga chhutin za zela 22.36 zetin hri an kai a ni.

Niminpiah khan RT-PCR hmangin ZMC-ah Sample 318 leh Lunglei-ah 30, a vaiin Sample 348 enfiah niin heng atang hian hri kai mi 86 hmuh an ni a, an zinga 80 chu Aizawl District-a hri kai hmuh niin Lunglei District-ah hri kai mi 6 hmuh an ni bawk.

Fluorescent Immunoassay Test hmangin Aizawl-ah Sample 45 leh Serchhip District-ah Sample 72, a vaiin Sample 117 enfiah ni bawkin heng atang hian hri kai mi 22 hmuh an ni a, an zinga 15 te chu Aizawl District-a hri kai hmuh te niin Serchhip District-ah Thenzawl atangin hri kai mi 7 hmuh an ni bawk.

District 8-a TrueNat Laboratory-ah Sample 243 enfiah ni bawkin heng atang hian hri kai mi 45 hmuh an ni a, an zinga 22 te chu Mamit District ami te niin Khawzawl District-ah 11, Aizawl District-ah 5, Hnahthial District-ah 3 leh Lunglei, Champhai, Kolasib leh Serchhip District-ah mi pakhat theuh an ni.

Rapid Antigen Test hmangin niminpiah khan Mizoram-ah Sample 4654 enfiah niin heng atang hian hri kai mi 1046 hmuhchhuah an ni a, an zinga 551 te chu Aizawl District-a hri kai hmuhchhuah te niin Saitual District-ah 121, Lunglei District-ah 79, Mamit District-ah 69, Kolasib District-ah 67, Khawzawl District-ah 48, Serchhip District-ah 35, Champhai leh Hnahthial District-ah 28 ve ve, Lawngtlai District-ah 15 leh Siaha District-ah mi 5 te an ni.

Nimin khan Mizoram-ah hri kai mi 852 enkawl dam ni lehin Mizoram-a hri kai hmuh tawh chu 1,57,253 a ni a, an zinga 1,48,182 (94.23%) enkawl dam ni tawhin enkawllai 8495 an la awm a, hri kai te zingah 577 an boral tawh bawk a ni.

Comments

Popular News (Last 30 Days)