Kumhlui thlahna leh kumthar lawmna nei

Kumhlui (2021) thlahna leh Kumthar (2022) lawmna chu Serchhip-ah pawh boruak muanawm tak hnuaiah neih a ni.

December 31, 2021 zan-a kumhlui thlahna leh Kumthar (2022) lawmna neih tur hi Serchhip mipui ten boruak muanawm tak hnuaia an hman theihna turin Serchhip Police te chuan ven-himna uluk takin an ruahman a, zantir lamah Kohhran hrang hrang ten inkhawmna neiin kum 2021 chhunga an Member boral te sunna hun an hmang hlawm a. Zan dar 9:00 atanga Curfew kalpui pawh mipui ten an zawm thain khawlai-ah thil pawimawh bik buaipui ngai tihloh vakchhuak pawh an awm meuh lo a, Ser-chhip Hmar Veng-ah ruang pahnih lumen ngai awm chu vanduaina thleng langsar tak a ni.

Hri leng avanga zan dar 9:00 hnu lamah Curfew kalpui ala nih avangin Kohhran tam zawkte chuan kumdanga ‘Zanlai Inkhawm’ an neih thin pawh an nei thei lova, Zanlai Inkhawm nei Kohhran tlem awmin zan lamah zaikhawmna nei Kohhran tlem an awm bawk a, Serchhip-a Kohhran tam ber te chuan a tuk January 1, 2022 khan hri leng karah kumthar lawmna inkhawm an nei hlawm a, Kohhran thenkhat te chuan Kumthar lawmna ruai an theh nghal a ni.

Tun tuma Kumhlui thlahna leh Kumthar lawmna ah hian khawi hmun atang mah buaina leh thil duhawmlo thleng a awm hriat a ni lova, Police ten khawpui chhung hmun hrang hranga venhimna hna an thawh bakah YMA ten an huamchhung ah Duty ngawrh takin an kalpui a. Kum thar lai, zanlai dar 12:00 velah Halpuah leh halmawi hal hmuh leh hriat tur engemaw zat awm mah se kumdang ai chuan a tlem niin a lang a, sawrkar in khapna thupek a siam erawh zawmlo an awm nual thung a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man