KRAM in an hna 35% zo tawh

National Highway-54 laihzauh leh siamthat hna thawh meka Baktawng leh Keitum inkara hna thawktu KRAM Infracon Pvt. Ltd. hotute chuan hna zawng zawng atanga za zela 35 vel thawk zo tawh anga an in ngaih thu an sawi.


KRAM Infracon Pvt. Ltd. a thawktute chuan he hna an thawh ah hian kawng siamthat leh laihzauh hna bakah, Black Topping te, kawng thlang leh chhak lama lungrem, Culvert siamte bakah Side Drain siam te chu an kalpui chhunzawm mek an sawi a, heng atang hian hna zaa 35 vel an zawh tawh thu an sawi. 

He an hna thawh mekah hian Chhing-chhip leh Serchhip inkar, Kikawn-a Serchhip khawpui helna tur By-pass Road peng thleng chu Fur ruahtui tlak hmain Blacktop hman ngei an tum tih an sawi a. An hnathawhna ah harsatna liantham an tawklo tih sawiin, amaherawh chu zan lamah an motor lian atangin mi tu tih hriatloh ten Diesel an lo ruk sak thin chu pawi an tih thu leh hmalak pui an ngaih thu an sawi a ni.

KRAM Infracon Pvt. Ltd. hian he hna an thawh chhunga awm, Chhiahtlang leh Serchhip khawpui helna (By-pass) an siam mekah Chhiah-tlang helna chu an zo thawkhat tawh tih sawiin, a helna atanga KM 2 thleng chu thla thar ah Black-top hman an inbeisei thu a sawi a, Serchhip khawpui helna tur pawh a helna atanga KM 2 chu blacktop hman ngei an tum tih a sawi bawk.

Comments

Popular posts from this blog