Central sawrkar in Commerce leh Industries a ngai pawimawh - Dr. R. Lalthangliana

/

Commerce & Industries Department changtu Minister Dr. R. Lalthangliana chuan nimin khan Multi Disciplinary Training Centre, Zemabawk-ah thalai ten eizawnna kawng an neih theihna Trade hrang hrang atana Training buatsaih chu hawngin Commerce leh Industries chu Central sawrkar in a ngai pawimawh tih a sawi.

Mizoram Khadi & Village Industries Board (MKVIB) hmunhma Zemabawk-a he training hawnna ah hian Dr. R. Lalthangliana chuan Commerce leh Industries chu eizawnna kawng hrang hrang siamtu leh eizawnna inghahna tam ber anih angin Central sawrkar pawhin a dah pawimawh thu leh Budget-ah pawh hemi Sector atana hian sum ruahman a tam thu a sawi a. Hripuiin mipuite eizawnna a tihchhiat leh a nghawng nasat avangin Post Covid Economic Package pawh cheng vbc. nuai khat lai a ruahman tih sawiin, Mizoram-ah pawh mahni-a eizawnna nei mi tam takin hripui vangin an sum lakluh kawngah harsatna an tawk a, hetiang chhungkaw 50,000 ten tanpuina an dawn theih nan vbc. 250 project Post Covid Economic Revival Project ruahman niin Sawrkar Laipuiah dil mek a nih thu a sawi bawk.

PMEGP leh KVI Loan lak kawngah Bank kalphung leh inkaihhruaina a khirh avangin leh Document tam tak phut anih thin avangin loan lak harsat dan chu a hriat thu sawiin Minister chuan, heng hi awlsam zawka tih dan kawng zawn nan Bank te nena hemi kawnga an thawh tlanna hi her rem anih theih nan Mizorama Bank hotute nen pawh tunhnaiah tum hnih Meeting an nei tawh tih a sawi a. Sum awmsa leh ruahman ni si mahse sum hman theih loh hi a hman dan kawng zawn a tul thu pawh a sawi bawk.

He Training hawnna inkhawm hi Mizoram KVI Board Chairman Lalthanliana chuan a kaihruai a, tun tum training-ah hian thalai 82 in eizawnna kawng ni thei Trade hrang hrang 13-ah thla 2 atanga thla 6 Course an zir dawn a. Hetiang Training hi MKVIB in KVIC tan-puina in kum khata tum 4 an buatsaih thin a. A din tirh 1987 atangin MKVIB kaltlangin thalai 1000 chuangin Course hrang hrang 13 te zirchhuakin eizawnna kawng an nei mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »