Special Permit pekloh duh

COVID-19 laka Mizote kan him deuh deuh theih nan Vairengte khawtlang chuan Home Department in sumdawngte hnena State pawn kal theihna Permit a pek chu pe tawh lo se an duh thu an sawi.
Vairengte kaltlangin NH-306 hi tun dinhmunah Mizoram chak lakna kawngpui pawi-mawh tak a ni a, he mi kaltlang hian nitin Mizo-ram-ah Essential commodities chawkluh mek niin hemi duh tawk lova, sumdawng thenkhat ten Mizoram Home Department atanga Permit la in, duh duha Local Task Force duty te paltlanga Assam lama bungrua la-a an kal thin chu, CO-VID-19 laka Mizoram leh Mizo mipui te kan him loh theihna a nih avangin Vairengte khawtlang chuan Home Department in sumdawng te hnena permit a pek hi ti tawp se an duh thu an sawi.
Vairengte khawtlang hruaitute chuan, tun dinhmunah he hri laka Vairengte a him leh him loh hi Mizoram leh Mizo mipui te him leh him loh innghahna an ni tih sawiin, khawtual mi pawh State pawn chu sawi loh, pawn chhuak lo tura an in dan laia hetianga Special Permit in siam saka Silchar kal theihna tura ruahmanna siam hian kan himna a tichhe thei nia an ngaih thu an sawi a ni.

Comments

Chhiar Hlawhte