BJP kum 40-na hmang

BJP chuan nimin khan an party dincham vawi 40-na an hmang a, BJP Mizoram President Vanlalhmuaka chuan he Ni pual hian Aizawl a State BJP Office-ah BJP Flag a pawt pharh bawk.

BJP Mizoram Pradesh President, Vanlalhmuaka chuan Mizoram hmun hrang hranga BJP awm te chu he ni pual hian duhsakna chibai bukin, India ram leh khawvel hmun hrang hrang ah CO-VID-19 avangin hun khirh tak kan tawk mek a, BJP Mizoram a Member te chu Sawrkar thu-chhuah ngaipawimawh a, mahni In-ah tawmim chhunzawm zel turin a chah nawn a ni.

BJP Mizoram President chuan BJP din-cham kum 40-na hriatreng nan BJP Workers zawng zawng te chu Novel Coronavirus hrileng dona tur atan leh Prime Minister an Support na lanna turin Rs. 100/- aia tlem lo chu Prime Minister Care Fund-ah donate tura mi 40 aia tlem lo hnena hma la turin a chah a. Lockdown kalpui anih mek laia kan chhehvelah mi harsa zawk te, chhuanchham te an awm em tih thlithlai a tanpui turin a chah bawk.

Hei bakah hian BJP Mizoram President chuan COVID-19 avanga Mizoram pawn a tangkhang te tan BJP Mizoram chuan Central Sawrkar leh BJP Central Office kaltlangin hma an lak thu leh theihtawp an chhuah thu sawiin, harsatna nei te chuan an awmna State Helpline No. ah phone tur leh an phone theilo a nih chuan BJP Mizoram Pradesh Helpline Phone No. 7085055304-ah emaw, BJP Mizoram hruaitu te hnenah emaw in hriattir turin a ngen bawk.