Supply Minister in Mizoram mamawh te a thlen

Union Minister for Consumer Affairs & Food Public Distribution Ram Vilas Paswan hovin nimin tlai khan ramchhunga State leh UT zawng zawnga Food Minister te chuan Video Conference neiin he hunah hian Mizoram atangin Supply Minister, K. Lalrinliana pawh telin PM-GKAY hnuaia AAY leh PHH ten a thlawna Ration an lak dan leh mipui hnena sem dan tur sawiho a ni.
He Video Conference ah hian Supply Minister, K. Lalrinliana chuan PMGKAY allocation Mizoram a FCI FSD Godown a lo thleng te chu a rang thei ang bera thiar nghal zel a nih thu leh PMGKAY free ration pawh April leh May thla ami tur chu April thla tawp atang sem hman a nih tur thu Union Minister hnenah hian a thlen a. Tun aia FCI godown atanga buhfai thiarchhuah a chak lehzual nan tuna Bairabi FSD atang chauh a phurhchhuah thei ni mek chu Mizoram-a FCI FSD hmundang atang thiarchhuah a nih theih nan ruahmanna siam turin a ngen nghal a, hei hi Union Minister chuan an lo ngaihtuah nghal dawn thu a sawi a ni.
Hei bakah hian Supply Minister, K. Lalrinliana chuan Non-NFSA (card var) Ration Card holder te tan Kg. 5 zel mipakhat theuh tan allocation siamah Kg. 1 Rs. 22-a State sawrkar lei theih tur a ruahmanna an siam chu lawmawm a tih thu sawiin, hei hian Non-NFSA (card var) ho Open Market-a an leisak thin, tun COVID-19 hrileng avanga lei harsatna an neih tak chu engemaw chen a sutkian a beisei thu a sawi bawk. Heng bakah hian NFSA beneficiaries ten central sawrkar in Ration Allocation a siam sak an khamkhawp loh thin thu leh heng bak leina tur mipui tan a harsat thu sawiin, hemi atan a allocation siam belh turin a ngen bawk a ni.

Comments

Chhiar Hlawhte