District Magistrate in hriattirna tichhuak

Serchhip District Magistrate, Dr. Lalzirmawia Chhangte chuan bungrua a van huna hlawk zawka hralh beiseina avanga mipui mamawh bungrua (essential commodities) a ruka chhekkhawl (hoarding) chu phalloh a nih thu sawiin, hetiang thil hi ti lo turin mipuite chu a hriattir.
Hemi chungchanga thuchhuah a siamah Serchhip District Magistrate chuan tunlai hian COVID-19 hri leng avangin nitin mamawh, ei leh bar leh bungraw dang lakluh kawngah harsatna kan tawk mek tih sawiin, he harsatna denchhen hian sumdawng thenkhat, hleihluak taka bungraw a man tisang an awm tih hriat a ni tih a tarlang a. Khawtlang leh mipuiten harsatna kan tawh laia harsatna denchhena hleihluak taka hlep tum kan awm chu a pawi takzet tih tarlangin, “Chuvangin, dawrkai tumahin an lakna aia sang uchuak taka mipuite hnena bungrua hralhchhuak tawh lo tur leh a man awm tawka hralh turin kan inngenin kan inhriattir a ni,” tiin hei hi bawhchhia an awm a nih chuan a tul anga action lak a nih tur thu a tarlang bawk.

Comments

Chhiar Hlawhte