Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Invenna ah insawrbing tum a ni tih CM in sawi

Chief Minister, Zoramthanga chuan May ni 3, 2020 thleng Lockdown kalpui na turah kan thenawm ram, min hualtu ah COVID-19 vei leh thihpui engngemaw zat an awm avangin venhim hna fimkhur taka kalpui chu kan insawrbingna tur leh kan chakna kan pekna tur ber a ni, a ti.
Mipuite hnena thuchah a siamah Chief Minister, Zoramthanga chuan ‘Mizoram-ah April thla chhung lockdown kalpui ni rawh se’ ti a thuthlukna siam anih hnua, Central sawrkarin May ni 3 thleng lockdown a puan tak si ah chuan Mizoram-in lockdown hunchhung April thla thleng ti-a a puan lai ai khan boruak tlemin a lo dang ta deuh hlek tih sawiin, khatih lai khan state leh state inkalpawhna te, mipui tangkhang laklawhte kalna tur kawng awm thei tura ngaihna an lo neih hman thu a sawi a; Amaherawh chu Mizoram-in a puan hnu, tunhnaia sawrkar laipuiin lockdown order a puanah khan, Central sawrkarin State kaltlanga mi inphurh, tiang chi reng reng a khap tak bur thu a sawi bawk.

Comments

Chhiar Hlawhte