Sawrkar in Task Group thar pahnih a din leh

Mizoram sawrkar chuan COVID-19 avanga harsatna tawh te sutkian nan Task Group on Commodities leh Task Group on Quarantine Facilities te chu a din belh leh.

Mizoram sawrkar in Task Group on Commodities a din thar ah hian Supply Department-a Commissioner/Secretary, HL. Rochungnunga chu Chairman niin Supply Department Director, Dr. Lalhriatzuali Ralte chu Member Secretary a ni a, Member atan sawrkar Department hrang hrang aiawh leh tlawmngai pawl thenkhat aiawhte pawh ruat an ni bawk. Task Group on Quarantine Facilities-ah hian Chairman tan Esther Lalruatkimi Commissioner/Secretary, School Education ruat niin Dr. Chawngthanchhunga, State Leprosy Officer, H&FW Department chu Member-Secretary a ni a. Member tan K. Lalrinzuali, Director, School Education Department leh V. Lalengmawia, Director, Tourism Department te ruat an ni bawk.