Latest News

Chanchinbu mite zalenna zah sak turin ngen

Mizoram sawrkar chuan COVID-19 darh zel tur venna atana Lockdown leh Curfew puan mekah Dan leh thupek hnuaia Chanchinbumite zalenna zah sak turin duty hrang hrangte an ngen.
Hemi chungchanga nimin a thuchhuah a siamah Mizoram sawrkar chuan COVID-19 darh zel tur venna atana Lockdown leh Curfew te hmun tinah kalpui mek zel thu leh Chanchinbumite chuan COVID-19 Task Force hrang hrangte tluk chiahin hna pawimawh an thawk tih a tarlang a. A hna thawhna ti khaihlak zawnga Task Force duty thenkhat ten Central sawrkar, State sawrkar leh District Aministration ten khawlai chhuak thei tura phalna an pek Chanchinbumite an lo dang thin tih hriat a ni tih tarlangin, hei hi thil hriatchian tawkloh vang nia a lan thu a tarlang.
Chanchinbu mite chu mipui nawlpui pawn chhuak theilo te hnenah information pawimawh petute leh thudiklo mipui ti chiai thei ang chi vawrhdarh do kawnga hmalatute an ni tih tarlangin, Lockdown leh Curfew kalpui mekah hian Chanchinbumite zalenna chiang takin tarlan a nih thu pawh an thuchhuah ah hian an tarlang bawk.

Comments

Popular News (Last 30 Days)