Mamit DC hovin Zomuantlang khua tlawh a ni

Mamit District Bawrhsap, Dr. Lalrozama hovin nimin khan Mamit District-a sawrkar mi pawimawh thenkhat ten Zomuantlang khua an tlawh.
Mamit District Bawrhsap chuan CO-VID-19 in kan ram a rawn luh lohna tura Zomuan-tlang khua-a duty, 5th IR Constable pahnih ten tun thla ni 18-a Chakma-te kut an tuar chu pawi a tih thu sawiin, khawvel pum hrileng buaia a buai laiin hnam leh hnam, chi leh chi inkara buaina chawhchhuah hun a nih loh thu leh India ram chhunga cheng, eng Hnam te pawhin he natna hi thahnemngai leh inthurual taka kan do tlan a pawimawh zawk thu a sawi bawk.
Mamit DC te hian Zomuantlang khaw dep, Kawnpui-I (Tripura)-a Anil Chakma te chenna In kang pawh tlawhin Tripura atangin North Tripura SP aiawh, Francis Darlong, TPS chuan a lo dawngsawng a. Zomuantlang VLTF Chairman bakah Tripura Police Official-te sawi danin Inneitu, Anil Chakma te chu an In kan lai hian In-ah awm lova, ram lama an riahlai niin In kan chhan hi chiang taka hriat a la ni lova, Inquiry lak mek anih thu Tripura Police-te hian an sawi bawk. Pawikhawihtu hi FIR register a, a ranglama man vat turin Tripura Police Official-te hi an ngen nghal bawk a ni.
Tunlai boruak thleng mekah hnam thil ang zawnga hmehbel a, Social Media-a thu ziktluak lo post ching an awm thin chu pawi an tih thu an sawi a. Hemi chungchangah hian Mamit SP chuan Tripura Police thuneitute chu Social Media Account-a thu dik ziktluak lo post-tu hi man a, action la turin a ngen nghal bawk a. Tunah hian Zomuantlang-ah hian boruak duhawm lo thleng a awm lova, State pahnih ramri-ah te hian Tripura leh Mizoram atangin Police an duty mek a. Mamit DC hian Zomuantlang VLTF te kawmin Buhfai Bag leh Dal Bag a hlan nghal bawk.

Comments

Chhiar Hlawhte