Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Sangha man tur bithliah a ni

Task Group on Animal Husbandry & Veterinary Services and Fisheries chuan Mizoram a Sangha man chu kg. ah Rs. 300/- aia tihsan loh nise an ti.
Niminpiah khan Task Group on Animal Husbandry & Veterinary Services and Fisheries hi an Chairman, C. Lalpeksanga, Secretary AH&Vety hova thukhawmin COVID-19 Lockdown chhunga Sa, Artui, Bawnghnute, Sangha leh ran chaw lama harsatna a awm loh nana rua-hmanna an siam bawhzui dan te an thlirho a. He hunah hian Sangha man chungchang pawh sawiho niin Mizoram chauh pawh ni lo, ram pumin harsatna kan tawh mek laia Sangha hralhna rate in san lam a pan dawn nia lang chu tha ti lovin, Sangha mipui hnena hralhna chu Kg. 1-ah Rs. 300/- aiin tihsan loh nise an ti a. Fisheries department chu Order chhuah nghal tura hriattir niin Order bawhchhia an awm chuan Disaster Management Act hnuaiah dan anga hma la nghal turin inbuatsaih nghal nise an ti bawk.
He hunah hian Serchhip District chhung Sailulak khuaa Sial vulh te Chinghne rual in an beih thin pawh sawiho niin Sial vulhtute chhawm-dawl dan tur leh Chinghnia laka Sial venhim an nih theih nan hma lak nghal tul an ti a, East Lungdar BDO hova ruahmanna siamin a theih anga hmalak nghal nise an ti bawk.

Comments

Chhiar Hlawhte