India-ah COVID-19 vangin 1008 in nunna an chan

Zonuna Kawlni /
India ramah COVID-19 kai hmuhchhuah mi 31,787 awm tawhin mi 1008 in nunna an chan tawh.
Union Health Ministry thuchhuah in a tarlan danin India ramah COVID-19 kai hmuhchhuah hi an a awm zel a, nimin thleng khan he hri kai hmuhchhuah mi 31,332 awm tawhin mi 7796 chu enkawl dam an ni tawh a, mi 1008 in nunna chanin ramdang a thawnchhuah mi 1 a awm bawk a, tuna he hri kai enkawl mek chu mi 22,982 an ni. India rama COVID-19 kai enkawl dam hi zaa 24.5 a ni tawh a, Union Health Ministry chuan he natna kai enkawl dam hi an pun zel thu sawiin, India rama District 17-ah chuan ni 28 kalta chhung khan hri kai hmuhchhuah a nih tawh loh thu an sawi a. WHO chuan COVID-19 hri kai hluar deuh deuhna ram 20-a mihring belhkhawm chu India-a mihring cheng zat nen a inzah thuak thu sawiin, heng ram 20-a hri kai zat chu India-a hri kai let 84 lai an ni tih Health Ministry chuan an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »