Ramri venhimna sawiho a ni

Home Minister, Lalchamliana chuan Inrinni tlai khan Mizoram Police (MRP), Assam Rifles (AR), Border Security Force (BSF) leh All Mizoram NGO Committee aiawhte kawmin ramri a venhimna kalpui dan (Border Security Management) chungchang a sawipui.
Home Minister Pisa-a he sawihona hunah hian Home Minister, Lalchamliana chuan tunlai COVID-19 hripui len laia Mizoram ramri a duty Assam Rifles, Border Security Force leh Mizoram Police te chu uluk lehzuala ramri veng turin a ngen nawn leh a. Chief Minister Zoramthanga ngenna angin, COVID-19 hripui dona kawngah thawhhona leh ramri venhimna chak zawka kalpui a nih theih nan Assam Riffles leh Border Security Force te chu ramri an venna hmuna post (company operating place) Commander te'n Mizoram Police, Village Level Task Force leh All Mizoram NGO Committee te nen inbe rawn chungin ramri depa cheng mipuite hripui laka an him theih kar hnih chhung tal hmalak thin nise an ti a. Temporary duty post pawh a tam thei ang ber siam belh a nih theih dan turte pawh an sawiho bawk.
He thutkhawm ah hian Border Security Management bakah Inter-State Security pawh sawiho a ni a, Mizoram Police te chu ramri ah a tul dan anga dah belh nise an ti a, Police hotu liante pawh Aizawl atanga heng duty na hmun te hi tlawh chhunzawm zel turin tih an ni bawk. He hunah hian Chief Secretary, Lalnun-mawia Chuaungo bakah Home Department a Secretary Lalbiaksangi leh Senior Official-te an tel bawk a ni.

Comments

Chhiar Hlawhte