HRD Minister hnenah Mizoram zirna mamawh thlen

/
School Education Minister, Lalchhandama Ralte chuan nimin khan Human Resource Development Minister, Ramesh Pokriyal Nishank-a hnenah Mizoram School Education Department hnuaia mamawh leh harsatna te a thlen.
Nimin khan Human Resource Development Minister hian Video Conference hmangin State hrang hranga Education Minister te kawmin zirna chungchanga harsatna te a sawipui a. He hunah hian School Education Minister, Lalchhandama Ralte chuan nikum December thlaa Hindi zirtirtu 665 lak phalna Mizoramin a hmuh tawh Financial Year thara chhawmnun te, zirlai 10 aia tam awmna zirna In-ah Hindi zirtirtu dah anih theih nana zirtirtu 208 dil belhna te, SSA hun laia kum 2013-14 chhunga sum la dawn kim loh te, sum awmsa hmanga naupang uniform man te, Text book a thlawna sem te, zirtirtu hlawh te pek fel te a rawt a ni.
Samagra Shiksha hnuaiah zirtirtu hlawh chu state sawrkar hnuaia an tlukpuite ngaihtuahin a hniam ta hle tih pawh sawiin Education Minister chuan, DIET a thawkte nen an hlawh pek dan kalphung a in ang lo hle bawk tih a sawi a. Samagra Shiksha hnuaia thawktute hlawh chu state sawrkara an tlukpuite hlawh milin ennawn nise, chutiang anih loh vek chuan sawrkar laipuiin zirtirtute Cadre thliarhranna awm lova kaih-hruaina a kalpui mek chu State in a kalpui reng thei dawn lo tih te a sawi bawk a. Samagra Shiksha hnuaia zirtirtute thla 3 hlawh sawrkar laipuiin a la pek felloh DIET leh IASE a thawkte tan pe thuai turin a ngen nghal bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »