Latest News

HSSLC Exam tur thulh vangin lawmthu sawi

National Students’ Union of Mizoram (NS-UI) Mizoram chuan Mizoram Board of School Education (MBSE)-in April 22, 2020 (Nilaini) atanga April 24, 2020 (Zirtawpni) thlenga Higher Secondary School Leaving Certificate (HSS-LC) Exam buatsaih chhunzawm a tum a thulh leh ta chu lawmawm an tih thu thuchhuah siamin an tarlang a. Ministry of Home Affairs order kalh a exam buatsaih tum a ni leh, COVID-19 laka inven nana Lockdown kalpui a nih reng laia zirlaite exam tir tum chu tha lo an tih thu leh ngaihtuah nawn leh nise an duh thu April 17-a thuchhuah siama an lo tarlan tawh thu pawh tarlangin, MBSE lamin an ngenna anga thutlukna an sut leh ta chu lawmawm an tih thu an tarlang.

NSUI (Mz) chuan HSSLC exam chu chhunzawm ngei nise an tih rualin, zirlaite rilru chawkbuai thei boruak leh an veivahna lama har-satna a awm loh hun a buatsaih nise an duh thu pawh an sawi a, COVID-19 inkaidarh a hlauh-awm loh deuh hun tur ngaichanga hun remchanga buatsaih ni zawk se tih chu an duhdan a ni tih an sawi a. Mizoram sawrkar chu COVID-19 dona leh zirna kaihhnawih thilah thutlukna a siam dawn a nih chuan ngun takin ngaihtuahna seng hmasa thin tawh se an duh thu an sawi bawk.

Comments

Popular News (Last 30 Days)