IR Sipai kutthlaktu 3 man ni tawhin pakhat a tlanchhuak

Inrinni kalta tlai-a Mizoram leh Tripura in-rna, New Kawnpui Thaidawr Road-a Mizoram IR Police pahnih kutthlak tu-a puh mi pathum te chu Pathianni zan khan man niin nimin khan an zinga pakhat chu a tlanchhuak.
COVID-19 laka Mizoram a him theihna tur New Kawnpui Thaidawr Road-a IR Sipai Duty mi 2 te kutthlaktu hi Mizoram Police te chuan man tumin ngawrh takin hma an la nghal a, he kut inthlakna a in-hnamhnawih nia hriat mi 3- Santilal Chakma, (31) S/o Y. Charan Chakma, Mohanlal Chakma (27) s/o Sukalmoni Chakma leh Bimal Chakma (19) s/o Rasikya Chakma techu Pathianni zan khan man niin an vai hian New Kawnpui, Tri-pura mi vek nia hriat an ni.
Heng mi pathum man te hi nimin khan Kanchanpur-ah Court-a inlan tura hruai tura tih niin Court-a hruai an nih hma hian Jampui PHC, Vanghmun-ah Medical Check-up nei tura hruai an ni a, hetianga Medical Check-up neih a nih dawn lai hian Santilal Chakma chu tlanchhuakin he thu buatsaih lai thleng hian man ala ni lova. Midang 2 te hi nimin khan Mizoram rawn panpui niin Mamit District Jail-ah dah an ni ang.
Nimin khan Central YMA, MZP, MSU leh Dampa Group YMA hruaitu thenkhat te chu chanchin hriatchian tumin Zomuantlang-ah hian kal an tum a, heng mite hi kaltlang phal lovin Tuipuibari-a BSF Duty te chuan an lo dang a, chanchin ngaihchan mek a ni.
Mamit District huamchhung New Kawn-pui hi Mizoram, Bangladesh leh Tripura ramri insuihfinna lai a ni a. New Kawnpui hi kawngpui in tan tlangin, kawngthlang lam chu Tripura huam chhung a ni a, Chakma an cheng ber a. Mizoram lam chu Bru chenna Zomuantlang nen a inzawm a ni. New Kawnpui-ah hian 5th IR Battalion te hian Out Post an nei a ni.

Comments

Chhiar Hlawhte