Mamit DC in Village Leval task Force duty te a tlawh

Zonuna Kawlni /
Mamit District Bawrhsap leh District Level Task Force on COVID-19 Chairman, Dr. Lalrozama chuan nimin khan Mamit District chhunga Village Level Task Force hrang hrangte an awm hmunah kalchilhin a thlamuan.
Village Level Task Force te a tlawhna ah hian Mamit DC chuan hripui hlauhawm takin kan ram, kan hnam min run loh nana hah pawh sawi lova thahnemngai taka Duty, Village Level Task Force-te thawhrimna leh hmalakna te chu a hmuna hmuhpui a, anmahni thlamuan chu tula a hriat vanga tlawhkual a nih thu a sawi a. VLTF- te chu tha thlah lova, he hripuiin kan ram a rawn luh loh nana thahnemngai taka duty chhunzawm turin a chah a, mahni vengchhung/khawchhung theuhah ei leh bar leh mipui nitin mamawh hrang hrangah harsatna kan tawh lohna turin uluk leh fimkhur taka ngaihtuahna seng turin a chah bawk.
Hetihlai hian Zawlnuam RD Block hnuaia MzSRLM Self Help Group, Kawrthah, Rengdil leh Zamuang-te chuan Kuhva kawr atanga an thilsiam chhuah Thleng 970, Fian 200 leh Bowl 500-te chu tuna hrileng mek avanga Sawrkar Centre hrang hranga khunghrante tan leh a tul anga hman atan nimin khan District Level Task Force on COVID-19 Chairman hnenah hian an hlan a, Bawrhsap chuan heng bungrua hlantute chungah hian lawmthu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »