HPC Vice Chairman in Tlabung chhehvel a tlawh

Lunglei HPC Vice Chairman, Lawmawma Tochhawng chuan nimin khan Tlabung Sub-Division huamchhunga Bangladesh ramri hrul khua te tlawhin Border area-a venhmina kalpui dan a hmunah kalin a enfiah.
HPC Vice Chairman hian Kawrpuichhuah, Bindiasora, Tipperaghat ah te Border Outpost (BOP), Border Fencing leh Gate te tlawhin ramri venhimna hi a hmunah uluk takin a enfiah a. Helai ramri vengtu 131 Battalion BSF leh 60 Battalion BSF hotute chuan Lunglei District-ah Border Outpost (BOP) 26 ah BSF Sipai nitin darkar 24 uluk taka an duty reng thu lo hrilhin, Civil Administration, Mizoram Police leh VLTF-te nen thawhhona tha tak neiin tun dinhmunah ramri venhim kawngah harsatna an neih loh thu an lo hrilh bawk. Mizoram-a India - Bangladesh border hi KM 318 a thui niin Lunglei District-ah ramri hi KM 112 a thui a ni.
Lunglei HPC Vice Chairman hian Tla-bung SDO (Civil) Pisa-ah sawrkar hotute leh Village Level Task Force hotute kawm bawkin hmalakna hrang hrang an thlirho a, he hunah hian tun dinhmun ah mipui nitin mamawh chhekkhawl a tam thu leh mipui tan hlauhthawn tur a awmloh thu tarlan a ni.

Comments

Chhiar Hlawhte