MJA in Task Force an zirchiang

MJA Serchhip District Member te chuan nimin khan Serchhip khawpui chhunga Village Level Task Force (VLTF) te chu an duty-na ah tlawhkualin an hmalak dan hrang hrang an zirchiang.
COVID-19 leng mek avangin tun dinhmun ah Serchhip khawpui-ah Lockdown hi kalpui mek niin Local Task Force te duty in miharsa te an vil reng a. MJA te hian Local Task Force duty te an kawm kualna ah tun dinhmun ah harsatna lian lutuk awm rihlo mahse, In sa mek te leh lo nei-a eizawng, nitin inhlawh chawp te chu harsatna tawk mai thei dinhmun a ding niin an lang a, Total Lockdown ni 21 zawh hnuah pawhsei leh a nih chuan a pawhsei hun chhung a zirin chhung-kaw thenkhat tan a buaithlak deuh tawh dawn niin a lang. Chutih rualin Mizoran mipui kan him zel nan Lockdown hi pawhsei zel thaa an hriat thu leh chutih rualin ramri hnaih lamah Sawrkar in venhimna uluk leh zualin hmun dangah erawh zalen deuh zawk a kalpui tan nise an ti a ni.
Serchhip khawchhung ah Local Task Force te hian Duty Post 36-ah duty in a tam berin zing dar 6:00 atanga zan dar 10:00 thleng duty in hmun thenkhat leh tul bik thil ah chuan tlaivara duty te pawh an awm a. Duty te hian mipui lam atangin harsatna lutuk neilo mahse Safety Gear nei thei se an duh thu te sawiin, Lo lama feh tur Local Task Force phalna nei thenkhat, huntiam ral hnu a kal tum an awm thin te chu veng hmawr lam duty ten buaithlak an ti thin hle.
Serchhip-ah hian mi thahnemngai ten Veng hrang hranga Local Task Force ah tanpuina an pe tha thawkhat a, Local Task Force a tanpuina lut zat hi cheng nuai 8 chuang niin, chhungkaw 400 chuang tanpuina pek a ni tawh bawk.
MJA Serchhip District chuan COVID-19 do kawng ah Sawrkar Official, Medical a thawk te, Police, Village Council leh YMA ten theihtawp tak meuh meuh an chhuah leh Ser-chhip mipui te thuawihna chu lawmawm an tih thu an sawi bawk.

Comments

Chhiar Hlawhte