Hliappui leh Changzawl khua ah chenna In 268 a chhia

Niminpiah tlai-a Rial in nasa taka a chhut, Hliappui leh Changzawl khua ah chenna In 268 a chhia nia chhinchhiah a ni a, nimin khan hnatlangpui neiin In chhia thawmthat hna thawh tan a ni.
Niminpiah tlai lama Rial tla avanga chhiatna nasa tak tuartu, Hliappui leh Changzawl khua a chhiatna a thlen dan kimchang chu hriatchian ni tawhin Rial tla hian chenna In 268 a deng chhia a, heng zinga In 189 chu luah zui tlak loh niin, In 79 chu thawmthat a luah leh mai theih tur a ngaih a ni a. Nimin khan rial in a denchhiat In thawm-that hnatlang hi neih niin khaw thenawm Saitual, Chiahpui, NE. Khawdungsei, Pawlrang, Kawlkulh, Changzawl, Saichal leh Ngopa khua ten an pui a, nikhat-a zawhfel hman a nih loh avangin hnatlang hi neih zui zel tura ruahman a ni bawk.
He chhiatna thleng hi a hriat veleh bialtu MLA, L. Thangmawia chuan nizan hmasa khan Aizawl atangin Silpauline 300 thawn nghalin Rangva pawh a theih ang ang lakhawmin nizan hmasa vek khan thawnchhoh nghal a ni bawk a, bialtu MLA pawh hian Hliappui khua hi pan nghal bawkin Rangva bundle 350 a thleng tawh a, Mizoram Synod in Khawzawl atangin rangva Bundle 200 pek turin a ruahman bawk.

Comments

Chhiar Hlawhte