Vairengte in NH.306 danpin an tumna an sut leh

Vairengte-a Joint Village Council, Joint NGO's leh Joint Village Level Task Force te chuan nimin tlai atanga Vairengte to Aizawl (NH-306) danpin tuma ruahmanna an lo siam tawh chu an thulh tih an sawi.
Nimin tlai-a thuchhuah an siamah Joint Village Council, Joint NGO's leh Joint Village Level Task Force Vairengte hian Mizoram sawrkar-ah hun bituk siama thilphut chi 8 an thehluh chu Chief Minister ruahmanna anga Bialtu MLA, Lalrinsanga Ralte bakah DC Kolasib, DIG Nothern Range, CMO Kolasib, DAO Kolasib, DHO Kolasib SDO(C) te nen nimin-a inbiakna an neih hnuin an thilphut chi hrang hrangte zinga tihhlawhtlin nghal theih te tih hlawhtlin sak an nih avanga an alwm thu an sawi a. An thilphut bakah hian Vairengte CHC-a COVID-19 bik duty/viltu tur Doctor thar pek nghal an nih avang leh Vairengte khawchhung hmun hrang hrang panga (5) laia COVID-19 Test-na tur hmun siam sak an ni chu lawmawm an tih thu an sawi a. Hetiang hi an dinhmun a nih tak avangin Vairengte khawtlangin Vairengte to Aizawl (NH-306) danpin/block an tum chu an thulh leh ta tih an sawi bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn