Chawhmeh lakluh dan turah ruahmanna thar siam

Aizawl khawpui-a cheng ten ei leh bar an hmuhtheihna tura hmalakna kawnga sawrkar chuan ruahmanna thar a siam.

Mizoram sawrkar chuan Aizawl khawpui Veng hrang hranga cheng mipuiten ei leh bar an tlakchhamloh nan te, thlai thartu ten tha taka an thlai thar an hralh chhunzawm zel theihna turte in mumal taka Vegetable Supply Chain siam chhunzawm tha a ti a, niminpiah khan Commercer and Industries Director, J. Hming-thanmawia hovin sawrkar mi pawimawh ten a bawhzui dan tur relin, heta an rel ang hian Aizawl khawpui chu Zone 12-ah thenin Zonal Officer pakhat theuh in an enkawl anga, heng Zonal Officer te hian Veng tina Local Level Task Force atangin an Veng bil mamawh (demand) an lakhawm ang a, Zonal Officer te hian Controlling Room siam thara Controlling Officer te hnenah heng an mamawh turte hi an report ve leh thung anga. Controlling Officer pakhat zelin Zone 3 zel an enkawl dawn a ni, Controlling Officer hi 4 an awm dawn a ni.

Hei bakah hian he thutkhawm a tel te hian State pawn atanga thlai chawkluhte chu mipui hnen a thlen hmain COVID-19 Medical Operational Team ten a him theih nan rua-hmanna lo siam se an ti bawk a. Thei, thlai hnah leh thlairah mipuite hnena hralhchhuahna rate hi hlep awmlo, hloh awm lo (no profit, no loss)-a kalpui nise an ti bawk a ni.