Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Quarantine tlem chho zel

Mizoram in COVID-19 avanga damlo a neih mek in Guwahati atanga Aizawl a rawn panna kawng-a Thlawhtheihna-a a chuanpui Serchhip mi pathum (3) te chu sawrkar in anmahni In-a inkhunghrang tura a tih hun, ni 28 chu niminpiah khan a zo ta a, heng mite hian an taksa-ah danglamna leh harsatna nei lovin COVID-19 lakah hian an him ni-a ngaih a ni a. Hei vang hian Serchhip District Task Force-a Medical Team te chuan heng mite hi Declaration Certificate an hlan nghal a ni.

Hetihlai hian he hri leng avanga mahni In lama inkhung hrang (Home quarantine) tura tih mi 4 te chu nimin khan an inkhung hun tura ruahman zovin chhuah tir an ni a, Home quarantine thar awm lovin tun dinhmun ah Serchhip District-ah Home quarantine hi mi 3 an awm mek a, sawrkar in awmna hmun tura a ruahman a awm, Facility quarantine thar nimin khan mi 3 awmin chhuah tir erawh an awm lo thung a, Facility-a quarantine mi 8 an awm mek bawk a ni.

Comments

Chhiar Hlawhte