Sawrkar thupek kalh a nih thu Magistrate in sawi

Serchhip District Magistrate, Dr. Lalzirmawia Chhangte chuan hmun hrang hrangah In sak hna thawh mek te chu sawrkar thupek kalh a nih thu a sawi.
Hemi chungchang nimin a thuchhuah a siamah Serchhip District Magistrate chuan COVID-19 laka mipuite kan him theihna atana sawrkar thupek-a lockdown kalpui mek chu uluk lehzuala kenkawh a tul thu leh engtikawng mahin inthlah-dah theih a ni lo tih a tarlang a. Hemi hun chhung hian mipuite pawn chhuak lova mahni In-a inkhung tur tih chuan zawm a hlawh thu leh amaherawh chu hmun hrang hrangah In sak hna thawk mek an la awm tih hriat a nih thu leh hei hian sawrkar thupek a kalh tih a sawi.
Hei vang hian April 6, 2020-a District Level Task Force on COVID-19 thukhawm in a lo rel tawh angin chhiatrupna (disaster) thlen palh hlauhthawnawm thei nia ngaihte a hmuna endikna report behchhana District Disaster Management Authority (DDMA) in In sak chhunzawm phalna ziaka a pek te chauh lo chuan In sak hnathawh chhunzawm phal a ni lo tih District Magistrate chuan sawiin, DDMA phalna ziaka la lova hnathawktute chuan he thupek chhuah atang hian an tawp san nghal tur a nih thu leh hei hi hripui laka kan him tlanna tur a nih avangin zawm vek tur a nih thu a tarlang bawk.

Comments

Chhiar Hlawhte