COVID-19 a thawktute tan sum pekchhuah a ni

Chief Minister’s Relief Fund for COVID-19 hman dan tur ngaihtuahtu tura din, Committee on Utilization of Chief Minister’s Relief Fund tun thla ni 17 leh 20-a thukhawm chuan District hrang hranga COVID-19 dona kawnga thawktu (COVID-19 workers) te tan Rs. 62,08,500/- chu pekchhuah leh turin an rel a.

Champhai District chu sum dawng tam ber tur niin Rs. 13,23,500/- an dawng a, Kolasib District in Rs. 8,15,000/- dawngin, Mamit District in Rs.8,00,000/- an dawng anga, Aizawl District in Rs. 7,50,500/- dawngin Saitual District in Rs.6,00,000/- an dawng bawk ang.

Heng bakah hian Lunglei District in Rs. 4,57,000/-; Siaha District in Rs.4,20,000/-; Hnahthial District in Rs.4,10,000/- leh Lawngtlai District in Rs.4,00,00/- dawngin Serchhip District chu a dawng tlem ber a ni dawn a, Rs. 2,32,000/- a dawng dawn a. Pawisa pekchhuah dan tur tarlan ah hian Khawzawl District chu tarlan tel a ni lo thung.