Champhai-ah hmalak dan tur sawihona neih a ni

Nimin khan Champhai-ah District Level Task Force on COVID-19 chu thukhawmin inkhar-khip hman chhunzawm anih hnua hmalak zel dan tur leh inkaihhruaina dan hrang hrang zawm tur chungchang an rel.

He thutkhawm hi Cham-phai DC, Mark Lalthanliana chuan kaihruaiin Village Level Task Force te chu an mawhphurhna a san thu a sawi a, ramri depa awm an nih avangin ramri depte ven uluk zual ngai a, pawn lam mite chu rinhlehna mit nena an thlir reng angai tih a sawi a, inthlahdul huk lovin, zawi zawiin thil awm dante thlir chunga nunphung pangngai zawh anih theihna tura inkaihhruaina dante chu duan a nih thu a sawi bawk.

He hunah hian Champhai SP, Rex Zar-zoliana Vanchhawng chuan ramri dep-ah thla khat chuang Police an dah tawh thu leh khaw 18-a hmun 28 ah te an duty mek thu a sawi a, Hmai-tuamna (Mask) vuah chu tihmakmawh anih tawh dawn avangin khawlaia chhuak turte hmai tuamna hmang turin a chah a, hmaituamna hmang lo te dap tur Police Team an indin tawh thu a sawi bawk.

He Meeting hian thil zuartute uchuak taka an thil zawrh hralh lo tura ngenin, Bazar-na hmunah metre 1 vel tala inhlat nise, Veng/Khaw chhunga inkalpawh phalna VLTF ten an pe thei anga , District chhung leh District inkar chu DC leh Incident Commander kutah dah a ni a. State pawn atanga bungraw lakluh chungchangah nitin eibar la tur tan DC Office-ah dilna siam nise, bungraw dangte erawh DC kaltlanga Home Department lama dilna siam nise tih a ni a. District pawn lam atanga bungraw lutte rang lama hlanthlak anih hnuah tei khawmuang lova kir tir leh thin nise tih a ni a. State pawn lam atanga bungraw phurte pawh mipuite chimbuai lova an awm theih dan tur sawiho a nih bakah khaw bil inkharkhip kalpui loh nise an ti bawk.