Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Court thutlukna ngai pawimawh lo-ah sawrkar puh

Mizoram Pradesh Congress Committee (MPCC) chuan Mizoram sawrkar in Gauhati High Court thutlukna a ngai pawimawh lo tih an sawi.
Nimin a thuchhuah an siamah MPCC chuan Tlungvel VC thiah chungchangah Gauhati High Court, Aizawl Bench chuan March 11, 2020 khan Mizoram sawrkar thutlukna chu a thiah sak nia tarlangin, hetia sawrkarin thiamloh a chan atanga thla khat zet a liam hnuah pawh Tlungvel VC-te hi thuneihna pek let an la ni lo nia sawiin, Mizoram sawrkar chuan Gauhati High Court thutlukna a zah lo hle ah an ngai tih an sawi.
MPCC thuchhuah chuan Mizoram sawrkarin August 6, 2019-a Tlungvel VC a thiahna order a tihchhuah chu Gauhati High Court, Aizawl Bench chuan dan lo a thiltih a ni tih hriain August 21, 2019 khan a lo thiah sak tawh nia tarlangin, MNF kaihhruai Mizoram sawrkar chuan Tlungvel VC a thiah dawnin danin a phut anga insawifiahna hun a pek miah loh avangin Section 25 (1) of the 1953 Act a bawhchhia a, High Court hian VC thiahna order hi dan lo a thiltih ni a puangin a hnawl (set aside) a ni, an ti a. High Court-in Mizoram sawrkar order a hnawl hnuah Mizoram sawrkar hian Tlungvel VC thiahna chu a thara kalpui lehin, Show Cause notice pein a thiat nawn leh a, amaherawhchu, Gauhati High Court, Aizawl Bench chuan Mizoram sawrkarin Tlungvel VC a thiahna order chu March 11, 2020 khan a hnawl nawn leh niin an sawi.
Hei bakah hian MPCC thuchhuah chuan Mizoram sawrkarin North Bualpui VC a dissolve-na leh North Tinghmun VC a suspend chungchang pawh High Court hian a hnawl sak tawh bawk nia tarlangin, Mizoram sawrkar chuan tun thlengin thuneihna a la pe kir lo niin an tarlang bawk a. Hetiang a sawrkar thutlukna Gauhati High Court, Aizawl Bench-in a thiahsak hnuah pawh VC-te thuneihna pek kir an la ni lo hi High Court zah lohna (Contemp of Court) a nih bakah mipui thlanchhuah khawtlang roreltute zahlohna nia sawiin, Mizoram sawrkarin a rang thei ang bera Tlungvel, North Bualpui leh North Tinghmun VC thuneihna te hi a pekir leh a nih loh chuan dan anga hma lak ngei an tum thu an sawi bawk.

Comments

Popular News (Last 30 Days)