SDRF hmangin sawrkar in hma la mek zel

COVID-19 hripui leng mek chungchangah State Disaster Management Authority chuan National Disaster Management Authority (NDMA), Ministry of Home Affairs in kaihhruaina a rawn duan angin hma a la chhunzawm zel.
State sawrkarin kum 2019-20 atana SDRF cheng vbc. 20 dawngin hemi atang hian COVID-19 dona turin kawng hnih, Component-I leh Component-II a hman theih dan a awm a. Component-I hnuaiah Quarantine, Sample Collection & Screening atan SDRF atangin 25% (cheng vbc. 5) hman theih niin, Component-II hnuaiah Procurement of essential equipments/labs atan 10% (cheng vbc. 2) a hman theih bawk a. Health & Family Welfare Department hnuaiah hian Component-I atangin cheng nuai 205.10 leh Component-II hnuaiah cheng nuai 116.18, a vaiin cheng nuai 321.28 pekchhuah ni tawhin District Disaster Management Authority te hnenah Component-I hnuaiah cheng nuai 208.75 leh Component-II hnuaiah cheng nuai 1.83, a vaiin cheng nuai 210.58 pekchhuah a ni tawh bawk a. Tunah hian a vaia sum pekchhuah hi cheng nuai 531.86 niin Component-I hnuaiah cheng nuai 86.15 leh Component-II hnuaiah cheng nuai 81.99, a vaiin cheng nuai 168.14 chu hmanloh in ala awm a ni.

Comments

Chhiar Hlawhte