Power khaihlak rih dawn

Aizawl Zuangtui atanga Saitual lam Power pekna line-pui a chhiat avangin hun engemaw chhung chu Serchhip-ah pawh Power Supply a mumallo phah dawn.
P&E Department hian Aizawl Zuangtui atangin 132kV Line hmangin Serchhip Bukpui leh Saitual lamah Power hi an pechhuak a, Zuangtui atanga Saitual lama Power an pekna ban chu Inrinni khan Tuirial Airfield bulah a tlu a, hei hi siamthat mai theih a nih rih loh avangin Zuangtui atanga Bukpui kaltlangin East Lungdar lamah Power hi pek a ni rih dawn nia thudawn a ni.
Serchhip Power Division-a EE, Er. Lal-tlanthanga sawi danin hetianga Saitual leh khaw-chhak tlangdung Eng pekna a khaihlak avang hian Inrinni zan atang khan Bukpui kaltlangin  Champhai, Khawzawl leh Saitual lamah Eng hi pek a ni a, hetiang hian hun engemaw chen kal zui a tul dawn avangin in en chhawk pawh a ngai zeuh zeuh dawn a, mipuite chu kawlphetha ren-chem turin a ngen bawk.
Ruahman dan chuan Vawiin chawhma dar 10:00 atanga chawhnu dar 1:00 thlengin Ser-chhip leh a chhehvel in Power kan hmu thei dawn lo a, naktuk-ah pawh zing dar 10:00 atanga tlai dar 4:00 thlengin Power Supply hi kan hmu thei dawnlo bawk a, mipuite chu lo hrethiam turin an ngen nghal bawk.

Comments

Chhiar Hlawhte