Prime Minister in Chief Minister te a kawm

Inkharkhip in rah tha a chhuah - Prime Minister

Prime Minister, Narendra Modi chuan inkharkhip (Lockdown) hian rah tha a chhuah thu sawiin, “Thla 1 leh a chanve kalta chhung khan kan ram hian nunna sang tam tak a chhanhim theih phah a ni,” a ti.

Nimin a COVID-19 dona a hmalak zel dan tur chungchang sawipuia ramchhunga Chief Minister te Vidoe Conference hmanga a kawmna ah he thu hi sawiin Prime Minister chuan India rama mihring cheng zat leh ram engemaw zat a mihring cheng belhkhawm a in zat vel sawiin, March thla tir kha chuan India ram tiamin ram engemaw zat te dinhmun a la in an tlan viau laiin India ram chuan a hun taka hma a lak avangin mi tam tak nunna a chhanhim theih phah tih a sawi a. Hetihrual hian virus darh mek hi a la hlauhawm chhunzawm reng thu sawiin, fimkhur taka kan awm chhunzawm a pawimawh dawn tih a sawi bawk.

Prime Minister chuan kan ram in inkharkhip tum hnih kan nei tawh tih sawiin, “A pahnih hian kawng tam takah an dan a dang a, tunah hian kan kal zel dan tur hi kan ngaihtuah lawk a ngai a ni,” a ti a. Mithiam te’n an sawidan chuan Coronavirus nghawng hi thla engemawzat chhung chu kan la hmuh chhunzawm dawn thu leh ‘do gaz doori’ chu innghahna atan kan hman a, Masks leh Hmai tuamna kan hman chhunzawm reng a pawimawh dawn thu a sawi a. “Kan hun tawn mek avang hian rang taka hmalak vat zel a ngai dawn a, mi tam tak chuan khuh leh hritlang emaw a natna lanchhuah dan thin an neih chuan an inhriattir vat a, hei hi thil tha leh chin chhunzawm chi tak a ni,” a ti bawk.

Prime Minister chuan ram ei leh bar/economy ngaih pawimawh rualin COVID-19 dona kan ngaih pawimawh chhunzawm a ngai dawn tih sawiin, ruahmanna thar siam te kan lo dawnsawn thata, a theih ang a nasa a technology/khawl hman tangkai a pawimawh thu a sawi a, “Mipui nawlpuite thleng phak ruahmanna thar chawchhuak turin kan huaisen a tul a ni,” tiin University hrang hranga mithiamte chu hripui leng do kawng a ruahmanna thar tha ngaihtuah chhuak a, research leh thil thar tha pawchhuak tur atana thawhpui thiam a ngai dawn tih a sawi a. Ram in COVID-19 a dona kal mek tichak turin mi tam zawkin AarogyaSetu app an download a pawimawh thu a sawi leh bawk.

India mi ramdanga tangkhangte chungchangah Prime Minister chuan harsatna an tawh leh tawhloh bakah an chhungte dinhmun ti derthawng thei an nih leh nihloh thlir chung a hmalak a nih dawn thu a sawi a. Hei bakah hian hmalakna kal mek karah Chief Minister te chu sik leh sa inthlak danglam chho mek – Nipui leh Fur lo in tanin natna a rawn ken tel theihte ngaihtuah tel turin a chah bawk.