Thu diklo thehdarhtu Police ten man belh zel

Mizoram Police te chuan tunhnaia Social Media-a thu diklo leh mi ti chi-ai thei thehdarhtute chu manin thubuai an siam sak zel.
Mizoram Police hotute sawi danin Facebook Group hrang hranga Vairengte-ah Doctor pawh ni lo, Police duty pangngai ten Mizoram-a lo lut turte hriselna dinhmun an en thin nia thu diklo thehdarhtu Lunglei lam mi chu man a nih thu leh Lunglei Police Station-ah thubuai ziahluh a nih thu an sawi a. Mipuite hnena thudiklo, Vairengte Gate khar a nih tawh dawn thu lo thehdarhtu Aizawl-a mi pakhat, kum 68-a upa pawh chhuichhuakin thubuai siam sak a ni a, amah hi kum upa leh tlanbo mai tur chi nia a lan loh avangin man lovin thubuai siam sak a ni a. Hei bakah hian Whatsapp Group hrang hranga Myanmar ram, Chikha khuaa mi pahnih, COVID-19 positive Mizorama luh tum anga sawi chungchang pawh chhui zuiin he thu thehdarhtu pawh hi thubuai siam sak a ni tawh bawk a ni.

Comments

Chhiar Hlawhte