Chief Minister in Lengpui Airport cheithat hna thawh mek a hmunah a enfiah

Chief Minister, Zoramthanga chuan nimin khan Lengpui Airport tihchangtlun hna thawh mek chu a hmunah a enfiah.
Nimin a Lengpui Aiport a tlawhna ah  hian Chief Minister chuan COVID-19 hrileng avanga ramchhunga thlawhna tihtawp a nih chu remchangah la in, hun khirhkhan tak mai kan tawn mek hi a zawh hunah Mizoram in mi ram te ruala hmasawnna ke a pen ve theih ngei nan kan ram tana pawimawh em em mai Lengpui Airport a hna thawh mek chu chhunzawm a nih thu a sawi bawk.
Tunah hian Lengpui Airport-ah hian Runway resurfacing hna thawh chhunzawm mek a nih bakah Runway chhe lai dang awm zawng zawng siam hna te, Thlawhna leh Terminal building inkara Bbus tlanna tur siam bakah Runway bula luikawr laih hna te thawh a ni a. Chief Minister chuan heng hmalakna bakah hian Lengpui Airport chawmtu tuikhuah en nghal in, tihlen theih dan awm te an thlithlai a. Airport Terminal chhunga thutna dah belh te, Security Holding a Social Distancing kalpui dan tur ruahmanna an siam te leh Terminal pawn a Restaurant leh Park siamna tur te a en tel bawk a ni.
Chief Minister in nimin-a Lengpui Airport a tlawhna ah hian Chief Minister hi Principal Consultant, Civil Aviation, J. Lalhmingliana, Wing Commander (Rtd) bakah sawrkar mi pawimawh thenkhat ten an tawiawm a ni.
Nimin a Lengpui Airport a tlawhna ah hian Chief Minister hnenah hian AAI thawktuten COVID-19 hripui leng avanga puih ngaite puihna turin cheng nuai 10 chu CM Relief Fund a chhunluh tur an lo hlan a ni.

Comments

Chhiar Hlawhte