HSSLC Exam chhunzawm tur kaltlangpui dawnlo

Mizoram Board of School Education (MBSE) chuan Higher Secondary School Leaving Certificate (HSSLC) Exam kal lai karleh atanga chhunzawm tura ruahmanna a siam chu kaltlangpui a ni dawn rihlo.

Mizoram Board of School Education (MBSE) chuan Higher Secondary School Leaving Certificate (HSSLC) Exam kal lai karleh atanga chhunzawm tura ruahmanna a siam chu kaltlangpui a ni dawn rihlo. Mizoram Board of School Education hian kumin a HSSLC Exam kallai chu rampum ah Lockdown kalpui a nih tak avanga zawhfel theih a nih loh hnuah karleh, April 22 atanga chhunzawm turin ruahmanna a siam a, hemi atan hian ruahmanna hrang hrang pawh neia kaltlangpui ngei tuma hriattirna dang a tihchhuah hnuah nizan khan MBSE chuan thuchhuah siam lehin, HSSLC Exam laklawh te Exam zawh tir hram tuma hmalakna chu thu leh awm hma atan a titawp lailawk tih a tarlang a ni.
Nizan-a MBSE Secretary in thuchhuah a siam ah chuan Higher Secondary School Leaving Certificate (HSSLC) Exam 2020 kallai mek, Mizoram sawrkar in COVID-19 laka invenna a ngaih pawimawh avanga a tihtawp lailawk chu lockdown chhunga COVID-19 laka Mizoram kan him khata hriat a nih avangin zirlai exam a zo lo laklawh tak tak te hmakhua ngaiin MBSE chuan April 22-24 chhung hian Exam nei leh turin a ruahman leh tih a tarlang a. Amaherawh chu ‘India rampum huapa he COVID-19 laka invenna kal zel avang hian Exam hi neih rih loh zawk a tha ange,’ tia Central sawrkar in Mizoram sawrkar a rawn ngenna chu MBSE chuan zahawm tiin April 17, 2020 (nizan) dar 7:00 p.m-a MBSE Office-a Emergency Meeting chuan HSSLC Exam laklawh te Exam zawh tir hram tuma hmalakna kal mek chu thu leh awm hma atan a titawp lailawk a ni tih tarlang a ni.

Comments

Chhiar Hlawhte